QR SIM basshysy jáne AQSh Memlekettik hatshysy yntymaqtastyqtyń ózekti máselelerin talqylady, dep habarlaıdy SIM baspasóz qyzmeti.
Amerıka tarapynyń bastamasy boıynsha Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi AQSh Memlekettik hatshysy Entonı Blınkenmen telefon arqyly sóılesti.
Mınıstr E.Blınkendi eldegi jaǵdaı týraly, sondaı-aq UQShU bitimgershilik kúshteriniń qatysýymen júrgizilip jatqan terrorızmge qarsy operasııa týraly egjeı-tegjeıli habardar etti.
Taraptar ekijaqty ózara is-qımyldyń jaı-kúıi men perspektıvalaryn, jahandyq jáne óńirlik qaýipsizdiktiń ózekti máselelerin talqylady.