Shymkent qalasynda jappaı tártipsizdik jasady degen kúdikpen 400-den asa adam ustalǵany belgili boldy, dep habarlaıdy Egemen.kz.
Ustalǵandardyń 155-ne qatysty ákimshilik, 50-ne qatysty qylmystyq is qozǵalǵan. Tártipsizdikke qatysqandardyń 40-50 paıyzy shymkenttikter bolsa, qalǵany Qazaqstannyń basqa aımaqtarynan kelgeni anyqtaldy.
«Beıbit sherý retinde bastalyp, tártipsizdikke ulasqan narazylyq aksııasy kezinde 17 tártip saqshysy túrli deńgeıde jaraqat alǵan. Tórt adamnyń jaǵdaıy aýyr, qaza bolǵandar tirkelmegen. Sonymen qatar, 57 polısııa avtokóligi tolyq janyp ketken. Búginde mádenı nysandar men shaǵyn bızneske keltirilgen shyǵyn kólemi naqtylanýda. Aldaǵy 10 kúnde belgili bolyp, Úkimette qurylǵan arnaıy komıssııaǵa usynamyz», dedi qala ákimi Murat Áıtenov.