Birqatar qalalarda UQK departamentiniń basshylary boryshyna adaldyq tanyta almady. QR Prezıdenti Qasym-Jomart Toqaev Parlament Májilisiniń otyrysynda osyndaı pikir bildirdi, dep habarlaıdy Egemen.kz.
«Shetin jaǵdaıda Qorǵanys mınıstrligi men memlekettik qyzmettegi áskerı qyzmetshiler abyroımen kózge tústi. Biraq bári birdeı óziniń boryshyna adaldyq tanytqan joq. Birqatar qalalarda Ulttyq qaýipsizdik komıteti departamentiniń basshylary jetkilikti áskerı arsenal bolǵanyna qaramastan, qyzmettik ǵımarattardy ondaǵy qarý men qupııa qujattarmen birge aıqassyz tastap ketti», dedi Memleket basshysy Májilis otyrysynda.