Bul jaıynda Memleket basshysy Qasym-Jomart Toqaev Májilis otyrysy kezinde aıtty, dep habarlaıdy Egemen.kz.
«Qarjy júıesiniń turaqtylyǵy ekonomıkany odan ary damytýdyń kepili ekeni belgili. Ekonomıka ósip, halyqtyń tabysynda alshaqtyq paıda bolǵandyqtan tutyný nesıeleri aıtarlyqtaı artty. Onyń mólsheri bıznesti nesıeleý kóleminen asyp ketti. Halyq qazirgi ýaqytta kóp nesıe alyp jatyr. Osyny eskersek, bul qarjy naryǵyn qubyltyp, áleýmettik turaqsyzdyq qaýipin týdyrýy múmkin. Úkimet jeke tulǵalardyń bankrottyǵy týraly zań jobasyn ázirleýdi bastady. Biraq, bul tyǵyryqtan shyǵaratyn jol emes. Eń aldymen shekten tys qaryzdyń kóbeıýin boldyrmaý kerek. Sondyqtan Qarjy naryǵyn retteý jáne damytý agenttigine Ulttyq bankpen prýdensıaldy retteý tetikteri arqyly naqty sheshim qabyldaýdy tapsyramyn», dedi Qasym-Jomart Toqaev.