QR Premer-Mınıstri Álıhan Smaıylov «LRT» jobasyn paıdalaný tásilderin ázirleýdi elorda ákimdigi men Indýstrııa jáne ınfraqurylymdyq damý mınıstrligine júktedi, dep habarlaıdy Egemen.kz.
Úkimet basshysynyń aıtýynsha, budan bylaı «Aýyl – el besigi», «Bıznestiń jol kartasy» sııaqty salalyq baǵdarlamalar Batys jáne Ońtústik óńirlerde belsendi iske asyrylmaq.
«Ulttyq ekonomıka mınıstrligi múddeli memlekettik organdarmen Batys jáne Ońtústik óńirlerdiń ákimdikterimen birlesip, «Aýyl – el besigi», «Bıznestiń jol kartasy» jáne basqa da salalyq baǵdarlamalar aıasynda jekelegen baǵyttardy ázirleýi qajet.
Sondaı-aq elorda ákimdigi Indýstrııa mınıstrligimen birlesip, «LRT» jobasyn paıdalaný tásilderi boıynsha naqty usynystar engizsin», dedi Álıhan Smaıylov.