Shymkent qalasynyń ákimi Murat Áıtenov turǵyndardy jeke máseleleri boıynsha onlaın rejımde qabyldady, dep habarlaıdy Egemen.kz.
Qabyldaýǵa jazylǵan 11 azamat ınfraqurylym tartý, baspana alý, jol salý, qoǵamdyq kólik júrgizý men aıaldama ornatý, kóshelerdi jaryqtandyrý jáne jer telimin zańdastyrý syndy máselelerdi kóterdi.
Azamattardyń ótinishteri men aryz-shaǵymdaryn jaýapty sala basshylarymen birge muqııat tyńdaǵan Murat Áıtenov aıtylǵan máseleler nazarǵa alynyp, zań aıasynda oryndalatynyn túsindirdi. Jaýapty tulǵalarǵa (basqarma basshylary men aýdan ákimderine) óz quzyretteri sheginde aıtylǵan jaıttardy sheshýge qatysty birqatar tapsyrmalar berdi.
Qabyldaýda baspana suraǵan azamattarǵa kezekke turý qajettiligi aıtylyp, jer telimderin zańdastyrý boıynsha máselelerdiń zańdy turǵydan sheshilýine baılanysty naqtyly baǵyt-baǵdar berildi.