Bul kúnderi Estonııa astanasy – Tallınde mánerlep syrǵanaýdan «Tórt qurlyq chempıonaty» ótip jatyr. Jarystyń alǵashqy kúninde erler qysqa baǵdarlama jarysynda baq synady.
Bul synda el namysyn Mıhaıl Shaıdorov pen Dıas Jırentaev qorǵady. Erler arasyndaǵy qysqa baǵdarlama qorytyndysy boıynsha M.Shaıdorov 75,96 upaı jınap, 8-orynǵa taban tiredi. Al taǵy bir jerlesimiz D. Jırentaev 66,92 upaımen 12-orynnan kórindi. Qysqa baǵdarlama qorytyndysy boıynsha Ońtústik Koreıa ókili Chha Chjýn Hvan 98,96 upaımen kósh bastap keledi. Ekinshi jáne úshinshi oryndy japonııalyq sportshylar Kazýkı Tamono (97,10) men Kao Mýıra (88,37) ózara bólisip tur.
Aıta keteıik, buǵan deıingi «Tórt qurlyq chempıonatynda» eki jerlesimiz jeńis tuǵyrynan kóringen bolatyn. 2015 jylǵy dodada Denıs Ten top jarsa, 2019 jyly Elızabet Tursynbaeva kúmis júlde ıelengen edi.