Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń qos ǵalymy «Bolashaq» halyqaralyq stıpendııasynyń «Taǵylymdama» baǵdarlamasy grantyn utyp aldy.
Endi olar óz mamandyǵy boıynsha Reseı men Belarýs elderindegi irgeli joǵary oqý oryndarynda taǵylymdamadan ótedi.
Ýnıversıtettegi Synaý ortalyǵynyń ǵylymı qyzmetkeri, aýyl sharýashylyǵy ǵylymdarynyń magıstri Aınur Harjaý «Bolashaq» halyqaralyq stıpendııasynyń grantyn ıelendi. Jas ǵalym endi osy granttyq qoldaýdyń kómegimen K.A.Tımırıazev atyndaǵy Máskeý aýylsharýashylyq akademııasynda «Mal sharýashylyǵy ónimderin óndirý tehnologııasy» mamandyǵy boıynsha 6 aı kóleminde ǵylymı taǵylymdamadan ótedi.
Halyqaralyq stıpendııanyń grantyna ıe bolǵan taǵy bir ǵalym – Indýstrıaldy-tehnologııalyq ınstıtýty dosentiniń mindetin atqarýshy, PhD doktor Erbol Erbaev. Erbol Tólegenuly Belarýs memlekettik agrarlyq-tehnıkalyq ýnıversıtetinde «Aýyl sharýashylyǵyn energııamen qamtamasyz etý» mamandyǵy boıynsha 6 aı taǵylymdamadan ótip, tájirıbesin tolyqtyrmaq.
Batys Qazaqstan oblysy