Memleket basshysy Qasym-Jomart Toqaevtyń qatysýymen alǵash ret uıymdastyrylyp otyrǵan «Ortalyq Azııa – Úndistan» sammıti bastaldy, dep habarlaıdy Egemen.kz.
Buǵan deıin QR Prezıdentiniń baspasóz hatshysy Berik Ýálı jıynǵa Úndistan Premer-mınıstri Narendra Modı bastamashy bolǵanyn habarlady. Atap aıtqanda, is-shara onlaın formatta ótedi.
Kóshbasshylar Ortalyq Azııa elderi men Úndistan arasyndaǵy túrli salalar boıynsha yntymaqtastyqty nyǵaıtýdyń jáne keńeıtýdiń perspektıvalaryn talqylaıdy. Jıyn qorytyndysy boıynsha «Ortalyq Azııa – Úndistan» atty birinshi sammıttiń Deklarasııasy qabyldanbaq.
Onlaın ótip jatqan talqylaýǵa О́zbekstan Prezıdenti Shavkat Mırzııoev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon qatysýda.