AQSh Búgin Ýkraına tóńiregindegi jaǵdaıdy talqylaý úshin BUU Qaýipsizdik keńesiniń otyrysyn ótkizedi dep kútilýde. Pikirtalastyń bolar-bolmaýy onyń bastalýyna deıin anyqtalady, sebebi ereje boıynsha Qaýipsizdik keńesiniń kezdesýinde kez-kelgen máseleni talqylaý rásimdik daýys berý nátıjesinde buǵattalýy múmkin, dep habarlaıdy Egemen.kz Euronews-ke silteme jasap.
AQSh-tyń BUU-daǵy Turaqty ókili Lında Tomas-Grınfıld Reseıden Ýkraına shekaralarynda bolyp jatqan shıelenisterge qatysty naqty jaýap alǵysy keletinin aıtty.
Sonymen birge, Ýkraına batys elderinen kómek alýdy jalǵastyrýda, osy oraıda Kıevke Kanadanyń Qorǵanys mınıstri keldi.
Reseıdiń Syrtqy ister mınıstrligi AQSh pen NATO-ny Ýkraınany áskerı-saıası maqsattarda - Reseı shekaralarynda shıelenisti týdyrýda nasıhattady dep aıyptaıdy.
«Ashy tájirıbege súıene otyryp, bizdiń qaýipsizdigimiz buzylǵan jaǵdaıda qalǵymyz kelmeıdi. Biz álemniń kez-kelgen eli sııaqty AQSh-pen jaqsy, tipti ózara syılastyq, teń qarym-qatynasty qalaımyz», dedi Reseı Federasııasynyń Syrtqy ister mınıstri Sergeı Lavrov.
Reseı AQSh pen NATO-dan Alıansty shyǵysqa keńeıtpeý kepildigin talap etti, biraq kepildik berilgen joq. Buǵan jaýap retinde amerıkandyq tarap Pýtınniń jeke ózi jaýap berýge daıyndalyp jatqan usynys jasady.