Bıyldan bastap ataýy Astana Qazaqstan Team bolyp ózgergen qazaqstandyq veloklýb 2022 jylǵy alǵashqy jarysyn Ispanııa tas joldaryndaǵy dástúrli «Valensııa výeltasynan» bastaıtyn boldy.
1929 jyly tusaýy kesilgen halyqaralyq jarys bıyl 73-shi márte ótkeli otyr. Alǵashynda bul jarys Vuelta al Levante degen ataýmen ótkizilse, 1984 jyldan bastap qazirgi atymen uıymdastyrylyp keledi. Bul dodada qazaqstandyq sportshylar bir márte jeńis tuǵyryna kóterildi. Atap aıtsaq, 1999 jyly fransııalyq Ag2r Prévoyance komandasynda óner kórsetken, qazirgi tańda Astana Qazaqstan Team klýbynyń bas menedjeri Aleksandr Vınokýrov top jardy. Al 2019 jyly qazaqstandyq «Astana» klýbynyń ıspanııalyq ókili Ion Isagırre jeńiske jetken bolatyn. 2018 jyly «Astananyń» eki ókili Lýıs Leon Sanches pen Iаkob Fýlsang birinshi jáne ekinshi oryndy bólisse, «Astana» eń úzdik komanda atanǵan-dy.
Astana Qazaqstan Team sapynan bıylǵy jarysta Manýele Boaro (Italııa), Davıd De La Krýs (Ispanııa), Fabıo Fellıne (Italııa), Antonıo Nıbalı (Italııa), Vınchenso Nıbalı (Italııa), Aleksandr Rıabýshenko (Belarýs) jáne Andreı Zeıs (Qazaqstan) úzdikter qatarynan kórinýdi kózdeıdi.