2021-jyldyń 7-jeltoqsanynda «Qazaqstannyń avıasııalyq ákimshiligi» AQ bas dırektory Pıter Grıffıts laýazymynan óz erkimen ketetinin málimdegen, dep jazady Egemen.kz.
Halyqaralyq azamattyq avıasııa uıymynyń Ortalyq hatshylyǵynda (ICAO) jumys istegen alǵashqy jáne ázirge jalǵyz qazaq Abyl Kekilbaev bas dırektordyń qyzmetten nelikten ketip jatqany týraly aıtty.
Onyń aıtýynsha, Qazaqstan 2023-jylǵy ICAO tekserisinen ótpeı qalýy múmkin.
«Birinshiden, «Qazaqstannyń avıasııalyq ákimshiligin» qarjylandyrýda úlken másele týyndady. Ekinshiden, Qazaqstan 2023-jylǵy tekserisinen ótpeı qalýy múmkin. Qaýiptiń basy qyltıǵan soń Pıter Grıffıts ta óz paıdasy úshin tıimdi sheshim qabyldaǵan sııaqty. Áıtpese, jylyna 155 mln teńge jalaqy alyp otyrǵan orynnan bas tartpas edi ǵoı. Ol Qazaqstanda eki jyldan asa ýaqyt qyzmet etti. Osy aralyqta óziniń shamasy qansha jerge jetetinin de túsindi-aý deımin», dedi ol.