Májilis depýtaty Berik Dúısenbınov Úkimet basshysyna depýtattyq saýal joldap, memleketten qaıta-qaıta qarjy suraıtyn ulttyq kompanııalardy jabýdy talap etti, dep jazady Egemen.kz.
Berik Dúısenbınov kvazıkásiporyndardyń jarǵylyq kapıtaly men shyǵyndary memlekettik bıýdjettiń mıllıardtaǵan somasynan quralyp, turaqty tolyqtyrylyp turatynyn aıta kele, biraq olardyń jumsalýy, ıaǵnı, ofıster men kólikterdi ustaý, syıaqylar men bonýstar qalaı bólinedi – barlyǵy qoǵamǵa da, Parlamentke de jumbaq ekenin jetkizdi.
Sonymen qatar depýtat olardyń qandaı tabys taýyp jáne ony qalaı ustaıtyndaryn da eshkim bilmeıtinin alǵa tartty.
«Dál osy jerde júıeli buzýshylyq oryn alyp, jemqorlyq tamyryn jaıýda jáne memleket esebinen esh shekteýsiz baıý kózine aınalǵan. «Samuryq-Qazyna» bylaı tursyn, «Báıterek» qory jáne mınıstrlikter men ákimshilikterdiń mańaıyna úımelegen «SK-Farmasııa» qory, «Parasat» holdıngi, SPK sııaqty qaptaǵan RGP, AO jáne TOO-dan aıaq alyp júrý múmkin emes» dedi ol.