AQSh-tyń Maıamı qalasynda ótip jatqan WTA sanatyndaǵy halyqaralyq týrnırde qazaq tennısshisi Zarına Dııas jarystyń negizgi kezeńine shyqty. Bul týraly Qazaqstan tennıs federasııasy habarlady.
Ol irikteý fınalynda reseılik Varvara Flınkti 7:6, 6:1 esebimen utty. Endi Zarına jarystyń negizgi kezeńiniń alǵashqy oıynynda álemniń 32-shi raketkasy rýmyn Aleksandra Kadantýmen kezdsedi. Buǵan deıin habarlaǵanymyzdaı, Zarına Qytaıdaǵy ITF sanatyndaǵy jarysta jeńiske jetken soń álemdik reıtıngte 13 saty joǵarylap, 105 orynǵa kóterilgen edi.
AQSh-tyń Florıda shtatynda ótip jatqan jarysqa Qazaqstannyń birinshi raketkasy Iаroslava Shvedova da qatysýda. Ol sońǵy kezdesýinde eki sette álemniń 46-shy raketkasy ıtalıan Fabıan Skıavoneni 6:4,6:2 esebimen jeńdi. Endi ol amerıkalyq Serena Ýılıamspen kezdesedi.
Atlant muhıty jaǵalaýyndaǵy Maıamı jarysy Qazaqstan tennısshileri úshin qyzyqty ótetin túri bar.
Dastan Kenjalın.
Derekkóz: www.kft.kz.
Foto: www.kft.kz.