Iran tarapynyń bastamasymen ótken áńgimelesý barysynda memleketter basshylary ekijaqty qatynastardyń qazirgi jaǵdaıy men perspektıvalaryn talqylady, dep jazady Egemen.kz Aqordaǵa silteme jasap.
Prezıdentter eki el arasynda dıplomatııalyq qatynastar ornaǵan sátten beri 30 jyl ishinde yntymaqtastyqtyń ártúrli salasy boıynsha aıtarlyqtaı jetistikterge qol jetkizilgenin atap ótti. Sonymen qatar Qazaqstan men Irannyń kóshbasshylary saýda-ekonomıkalyq jáne yqpaldastyqtyń basqa da baǵyttaryndaǵy baılanystardy odan ári nyǵaıtýǵa kúsh salý qajet dep sanaıdy.
Qasym-Jomart Toqaev «qasiretti qańtar» oqıǵalaryna qatysty alańdaýshylyq tanytyp, nıettestik tanytqany úshin Ibrahım Raısı men ıran halqyna rızashylyǵyn bildirdi.
Memleket basshysy elimizdegi jaǵdaıdyń turaqtalǵanyn atap ótip, áleýmettik-ekonomıkalyq qaıta qurýdyń jańa strategııasyn júzege asyrý sharalary qabyldanǵanyna toqtaldy.
Prezıdenttiń aıtýynsha, Qazaqstan halqy bolashaqqa nyq senimmen qaraıdy.