Balalardy ońaltýdyń múmkindikteri

Osy jyldy «Balalar jyly» dep bel­gilegen Memleket basshysy Qasym-Jomart Toqaev osydan úsh jyl burynǵy Joldaýynda qamkóńil balalarǵa aıryq­sha kóńil bólý qajet ekenin alǵa tartyp, ońaltý ortalyqtarynyń sanyn arttyrýdy tapsyrǵan edi. «Tek resmı statıs­tıka boıynsha 80 myńnan asa bala múgedektigine baılanysty esepte tur. Úkimet BSP dıagnozy bar balalarǵa medısınalyq jáne áleýmettik qol­daý kórsetýdi jaqsartý úshin shara­lar qa­byl­daýy kerek. Balalarǵa qol­jetimdi bolýy úshin shaǵyn jáne ortasha ońaltý ortalyqtarynyń jelisin keńeıtý qajet. Biz erekshe qajettilikteri bar adamdar úshin bir­deı múmkindik jasaýǵa min­dettimiz. Men bul týra­ly ózimniń saılaý aldyn­daǵy baǵdarlamamda aıttym. Úkimetke endi osy maqsatqa úsh jyl ishinde kem degende 58 mlrd teńge bólýdi tapsyramyn», delingen Prezıdent Joldaýynda.

Keıingi jyldary Qazaqstanda medı­sınalyq ońaltý, sonyń ishinde balalardy ońaltý belsendi túrde damyp keledi. Búginde elimizde 36 ońaltý or­ta­lyǵy jumys isteıdi. Bul qatarda «Bal­bulaq» respýblıkalyq balalardy ońaltý ortalyǵy bar. Atalǵan ortalyq 1995 jyly júıke júıesi zaqymdanǵan, psıhonevrologııalyq aýrýlary bar, negizinen BSP dıagnozy qoıylǵan balalar úshin ashyldy. Elimizdiń barlyq óńirinen balalar qabyldaıtyn ortalyq 75 tósektik orynǵa arnalǵan.

«Balbulaq» ońaltý ortalyǵynda bala­­larǵa dıagnostıka, zertteý jáne emdeý­diń zamanaýı ádisterin qol­dana otyryp, mamandandyrylǵan ke­shen­di emdeý-saýyqtyrý, medısınalyq-dıag­nostıkalyq, psı­ho­logııalyq-pe­da­gogıkalyq jáne áleý­met­tik-be­ıim­­­deý kómegi kórse­ti­ledi. Jyl sa­ıyn ortalyqta psıho­nev­ro­logııalyq aýrýlary bar 900-ge jýyq bala emdeledi. Onyń 60%-dan astamy – BSP dıagnozy bar balalar.

Jyl saıyn elimizde stasıonar jaǵ­daıynda medısınalyq ońaltý alǵan balalardyń sany artyp keledi. Máselen, 2019 jyly 15 063 bala medısınalyq ońaltý alsa, 2021 jyldyń alǵashqy jar­tyjyldyǵynyń ózinde bul kór­setkish eki esege artyp, ońaltýdan ótken balalardyń sany 31 671-di qurady. Bul oń ózgeris bıyl odan saıyn jaqsara túsedi degen úmit basym.

Sonymen qatar byltyrdan bastap alǵash ret ambýlatorııalyq ońaltý engi­zildi. 28 myńnan asa bala emhanalar deńgeıinde 1,3 mlrd teńge somasyna ońaltý qyzmetterin aldy. Mindetti áleý­mettik medısınalyq saqtandyrý jú­ıe­sin engizýmen medısınalyq ońal­týdy qarjylandyrý 2019 jylmen salystyrǵanda 10 esege ulǵaıdy (2019 jyly – 6,7 mlrd teńge). 2021 jyly ońaltýǵa bólingen qarjy kólemi 61,9 mlrd teńgeni qurady. Onyń ishinde balalar úshin qarjylandyrý somasy 27%-ǵa artyp, 11,4 mlrd teńgeni qurady.

Balalardy medısınalyq ońaltý qyzmetterimen qamtýdy ulǵaıtý jáne olar­dyń qoljetimdiligin arttyrý jó­nindegi jumys jalǵasa beredi.