Qazaqstanda jazǵy demalys kezinde 11 135 demalys ortalyǵy jumys isteıtin bolady, olar 3,2 mln balany bos ýaqytymen jáne saýyqtyrýmen qamtıdy. Bul týraly Úkimet otyrysynda Oqý-aǵartý mınıstri Juldyz Súleımenova málimdedi, dep habarlaıdy Egemen.kz.
Jazǵy demalys maýsymynda balalardy qamtýǵa arnalǵan keń aýqymdy baǵdarlama iske qosylmaq. Josparǵa sáıkes, mektepter janyndaǵy demalys ortalyqtarynda 3 mıllıonǵa jýyq oqýshy ýaqyt ótkizedi. 168 myń bala maýsymdyq ortalyqtarǵa, al 44 myńnan astam bala jyl boıǵy ortalyqtarǵa qabyldanady.
«Sonymen qatar áleýmettik osal sanattaǵy balalar da nazardan tys qalmaıdy. 729 myń bala jáne erekshe bilim berý qajettilikteri bar 53 myń bala jazǵy demalyspen qamtylady. Respýblıkalyq «Baldáýren» oqý-saýyqtyrý ortalyǵy men «Bóbek» ulttyq ortalyǵy bazasynda 5 myń oqýshy olımpıadalar men sporttyq-shyǵarmashylyq baǵdarlamalarǵa qatysady, al óńirlerde 370 myń daryndy balaǵa arnaıy demalys jáne damytý sharalary uıymdastyrylady», dep atap ótti mınıstr.
Lısenzııasy joq lagerler jabyla ma?
Aıta keteıik, bıyl elimizde 1 sáýirden bastap alǵash ret balalar saýyqtyrý ortalyqtarynyń qyzmetin lısenzııalaý júıesi engizilgen bolatyn. Jańa bastama balalardyń demalysy, oqýy jáne saýyqtyrylýy úshin biryńǵaı talaptardy qalyptastyrýǵa baǵyttalǵan.