Úkimet otyrysynda Ǵylym jáne joǵary bilim mınıstri Saıasat Nurbek ýnıversıtetterde oqý jylynyń aıaqtalǵany jáne Ulttyq biryńǵaı testileý ótkizilgeni týraly baıandady. Ol jalpy joǵary bilim berý júıesi oqý jylyn turaqty rejımde aıaqtaǵanyn atap ótti, dep jazady Egemen.kz.
Mınıstrdiń aıtýynsha, UBT-ǵa qatysýǵa 239 myńnan astam adam tirkelgen, onyń ishinde ótken jyldar men kolledjderdiń túlekteri bar. Al 200 myńǵa jýyǵy bıylǵy jyldyń túlekteri.
Búgingi tańda UBT ótkizý úshin barlyq múddeli memlekettik organdar úılestirilgen. Barlyq óńirlerde jergilikti atqarýshy organdardyń, quqyq qorǵaý qurylymdarynyń, joǵary oqý oryndary men bilim basqarmalarynyń qatysýymen memlekettik komıssııalar quryldy.
Depýtat UBT-dan joǵary ball alǵandarǵa beriletin syılyqtarǵa qatysty pikir bildirdi
Ulttyq biryńǵaı testileý 10 mamyrdan 10 shildege deıin ótedi.
Bıyl UBT formaty ózgerissiz saqtaldy. Talapkerler eki ret testileýden ótip, úzdik nátıjemen granttar konkýrsyna qatysa alady. Testileý aıaqtalǵannan keıin qatysýshylar durys jáne burys jaýaptar týraly aqparatty ǵana emes, sonymen qatar nátıjelerdiń tolyq taldaýyn ala alady.
Kólik, páter nemese 50 mln teńge: Tarazdyq talapker UBT-dan 140 ball jınady
Aıta keteıik, bıylǵy UBT-da osy ýaqytqa deıin erejeni buzǵan 75 túlektiń nátıjeleri joıyldy.