eGov Business mobıldi qosymshasynda «Jeke kásipkerdiń qyzmetin toqtatý» atty jańa memlekettik qyzmet qoljetimdi boldy. Endi kásipkerler JK jabý rásimin memlekettik organdarǵa barmaı-aq, tolyqtaı onlaın formatta rásimdeı alady, dep habarlaıdy Egemen.kz.
Jańa servıs jeke kásipkerler men jeke praktıkamen aınalysatyn azamattarǵa arnalǵan. Qyzmet ótinish berý prosesin tolyq sıfrlandyryp, memlekettik kirister organdaryna jeke júginý qajettiligin joıdy. Paıdalanýshylar ótinim berý kezeńderin qosymsha arqyly ótip, onyń qaralý mártebesin onlaın baqylaı alady.
Shildeden bastap kásipkerlerge shetelge shyǵýǵa shekteý qoıylýy múmkin
Qyzmetti paıdalaný úshin qoldanýshy eGov Business qosymshasyna kirip, «Bıznesti tirkeý jáne toqtatý» bólimi arqyly «Jeke kásipkerlik qyzmetin toqtatý» servısin tańdaýy qajet. Odan keıin salyq ótinishiniń sanaty belgilenip, memlekettik kirister organynyń kody tańdalady. Sondaı-aq derekterdi óńdeýge kelisim berip, ótinimdi Face ID, Touch ID nemese kod arqyly rastaý kerek.
О́tinim qaralǵannan keıin nátıje qosymshada kórsetiledi. Eger rásim sátti aıaqtalsa, júıede JK qyzmetiniń resmı túrde toqtatylǵanyn bildiretin «О́ńdeldi» mártebesi shyǵady.
Ulttyq aqparattyq tehnologııalar AQ basqarma tóraǵasy Dáýlet Bekmanov qazir qosymshada shaǵyn jáne orta bızneske arnalǵan memlekettik qyzmetterdiń aýqymy keńeıip jatqanyn aıtty. Onyń sózinshe, bıznestiń tirkelýden bastap jabylýyna deıingi negizgi kezeńderi tolyq sıfrlyq formatqa kóshirilgen.
Endi jeke kásipkerlik ataýyn onlaın aýystyrýǵa bolady
Aıta keteıik, eGov.kz portalynda buǵan deıin de kásipkerlik qyzmetti toqtatýǵa qatysty birneshe sıfrlyq servıs iske qosylǵan. Sonyń biri – 2017 jyldan beri qoljetimdi «Zańdy tulǵalardy taratý» qyzmeti. Osy ýaqytqa deıin bul servıs 35 myńnan astam ret paıdalanylǵan.
Jobany Sıfrlyq damý, ınnovasııalar jáne aeroǵarysh ónerkásibi mınıstrligi, Ulttyq aqparattyq tehnologııalar AQ jáne Qarjy mınıstrliginiń Memlekettik kirister komıteti birlesip júzege asyrǵan.