Sınoptıkter 3-aqpanǵa arnalǵan aýa raıy boljamyn jarııalady, dep habarlaıdy Egemen.kz.
«Antısıklon jotasy QR aýmaǵynyń basym bóliginde aýa raıyn jaýyn-shashynsyz saqtaıdy. Al batys, soltústik-batys, shyǵys óńirlerge atmosferalyq frontaldy bólimder áser etedi, jaýyn-shashyn (jańbyr, qar), kóktaıǵaq bolyp, jel kúsheıedi. Respýblıka boıynsha keı jerlerde tuman túsedi», delingen «Qazgıdromet» RMK baspasóz habarlamasynda.
Atap aıtqanda, Aqmola oblysynyń soltústik-batysynda, Soltústik Qazaqstan oblysynyń shyǵysynda, Qaraǵandy oblysynyń soltústiginde, Qyzylorda oblysynyń ortalyǵynda, soltústiginde, Qostanaı oblysynyń soltústik-batysynda, shyǵysynda, Atyraý oblysynyń batysynda, soltústiginde, ortalyǵynda, Túrkistan oblysynyń ońtústiginde, taýly aýdandarynda, túnde Pavlodar oblysynyń ońtústik-shyǵysynda, shyǵysynda tuman túsedi.
Batys Qazaqstan oblysynyń soltústik-batysynda, soltústiginde kóktaıǵaq, 15-20 m/s jel turady, soltústiginde, shyǵysynda tuman túsedi.
Kúndiz Mańǵystaý oblysynyń batysynda, ortalyǵynda shańdy daýyl soǵyp, 15-20 m/s jel kúsheıedi.
Almaty oblysynyń soltústiginde, ońtústiginde, shyǵysynda tuman túsip, soltústik-shyǵysynda 17-22 m/s jel turady.
Jambyl oblysynyń soltústik-batysynda jáne taýly aýdandarynda kóktaıǵaq bolyp, soltústiginde taýly jáne taý bókterinde tuman túsedi, soltústik-shyǵysynda jáne oblystyń taýly aýdandarynda 15-20 m/s jel kúsheıedi.