IBF jáne IBO nusqalary boıynsha orta salmaqtaǵy álem chempıony Gennadıı Golovkın (41-1-1, 36 KO) Qazaqstandy qosa alǵanda, túrli elderde jekpe-jek ótkizýge daıyn ekenin aıtty, dep habarlaıdy Egemen.kz Sports.kz-ketsilteme jasap.
Gennadıı Golovkın brıtandyq Sky Sports basylymyna bergen suhbatynda Ulybrıtanııadaǵy jekpe-jegin eske aldy, 2016 jyly Londonda GGG jergilikti burynǵy álem chempıony Kell Brýkty nokaýtqa jiberdi.
Golovkın, eger oǵan laıyqty usynys tússe, Tumandy Albıonǵa qýana-qýana oralatynyn atap ótti.
«Meniń Ulybrıtanııaǵa kelýim esimde. Maǵan bul jekpe-jek óte unady, keremet boldy. Bul qyzyqty dýel boldy. Men ózimdi belgili bir elmen shektemeımin. Munyń bári kóptegen faktorlarǵa baılanysty. Men AQSh-ta nemese meniń týǵan Qazaqstanymda urys úshin usynylǵan sharttar Ulybrıtanııadan kelgen usynystardan esh kem túspeıtinine senimdimin», dedi boksshy.
Gennadıı Golovkınniń kelesi qarsylasy WBA Super tıtýlynyń ıegeri Rıota Mýrata (16-2, 13 KO) bolady dep kútilýde. Jekpe-jek Japonııada osy kóktemge josparlanǵan, biraq naqty kúni áli belgisiz.