Qasym-Jomart Toqaev Nur Otan partııasynyń Atqarýshy hatshysy Ashat Oralovty qabyldady. Kezdesý barysynda Prezıdent Nur Otan partııasyn jańǵyrtý jumystaryn jedeldetýdi tapsyrdy, dep habarlaıdy Egemen.kz Aqordaǵa silteme jasap.
Partııa tóraǵasynyń aıtýynsha, el azamattarynyń talap-tilekterine tolyq jaýap berýi úshin partııany júıeli túrde qaıta qurý qajet. Sondaı-aq partııa zamanaýı syn-qaterlerge tótep berýge jáne jedel áreket etýge tıis.
Memleket basshysyna partııanyń jumysyn qaıta qurý jospary jóninde málimet berildi. Ashat Oralovtyń aıtýynsha, saıası uıymnyń Ortalyq apparaty Májilistegi fraksııamen birlese otyryp, partııanyń saılaýaldy baǵdarlamasynda qamtylǵan jol kartalarynyń júzege asyrylýy boıynsha júıeli taldaý júrgizilip jatqanyn baıandady.