Aralas jekpe-jek álemindegi eń bedeldi uıym UFC-de jasyndaı jarqyrap, qatarynan úsh kezdesýde jeńiske jetken otandasymyz Shavqat Rahmonov endi bir shaıqastan keıin jartylaı orta salmaqta úzdik ondyqqa kirýi yqtımal, dep habarlaıdy Egemen.kz.
Jańartylǵan reıtıngte qazaqstandyq sportshy jartylaı orta salmaq dárejesinde úzdik on bestikke engen bolatyn. Sońǵy derekterge sensek, qazaq oǵlany kelesi kezdesýinde reıtıngte 12 orynǵa ornyqqan AQSh sportshysy Djeff Nılge qarsy oktagonǵa shyǵýy múmkin. Amerıkalyq sportshydan aılasyn asyrsa Shavqat úzdik ondyqtyń qatarynan kórinetini daýsyz.
Otandasymyz óziniń reıtıngte úzdikter qataryna ilikkeni týraly aqparatty ınstagramdaǵy paraqshasynda bólisip: «Inshalla, kelesi qadamdar jańa bıikterge bastaıtyn bolady», degen jazba qaldyrdy.
Esterińizge sala keteıik, jartylaı orta salmaqta Kamarý Ýsman álem chempıony ekeni málim. Shavqattyń maqsaty – bolashaqta óz salmaǵynyń úzdigi ataný.