Shymkent qalasynyń ákimi Murat Áıtenov turǵyndardy jeke máseleleri boıynsha onlaın qabyldady, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.
Turǵyndar saýaldarynyń basym bóligi turǵyn úı, jer telimin rásimdeý, jol, kóshe jaryǵy sekildi máselelerge baılanysty.
Qabyldaýda bolǵan Qursaı shaǵyn aýdanynyń turǵyny ırrıgasııalyq aryqtar men jaryqshamdar qoıyp berýin surady. Oǵan qala ákimi aýyz sý júıesiniń qurylys jumystary aıaqtalǵan soń, ırrıgasııalyq aryq júıesin júrgizý osy jyldyń 4 toqsanynda aıaqtalatynyn, al kóshelerdi jaryqtandyrýda birinshi kezekte shaǵyn aýdandar men turǵyn alaptardyń áleýmettik nysandar men kóshelerin qamtý josparlanǵanyn aıtyp ótti.
Árbir azamattyń ótinishteri men shaǵymdaryn jaýapty sala basshylarymen birge tyńdaǵan Murat Áıtenov aıtylǵan máseleler nazarǵa alynyp, zań aıasynda oryndalatynyn túsindirdi. Jer quqyǵy qatynastarynan týyndaıtyn daýlar sot arqyly qaralatynyn aıtyp, baǵyt-baǵdar berse, baspana suraǵan azamattarǵa páterler kezek rettiligimen ǵana beriletinin jetkizdi.
Jetekshi sala basshylaryna óz quzirettiligi aıasynda kóterilgen máselelerdi sheship, nátıjesin baıandaý jóninde tapsyrma berdi. Barlyq ótinish-aryzdardyń oryndalýyn qala ákimi tikeleı óz baqylaýyna aldy.