Búgin Tashkentte QR Ekologııa, geologııa jáne tabıǵı resýrstar mınıstri Serikqalı Brekeshev О́zbekstan Respýblıkasynyń Sý sharýashylyǵy mınıstri Shavkat Hamraevpen kezdesý ótkizdi, dep habarlaıdy Egemen.kz.
Kezdesý barysynda Syrdarııa ózeniniń orta jáne tómengi aǵysyndaǵy sý sharýashylyǵy jaǵdaıyn jaqsartý boıynsha birlesken sharalar talqylandy.
Sonymen qatar, kezdesý barysynda Qazaqstan Úkimeti men О́zbekstan Úkimeti arasyndaǵy Transshekaralyq sý obektilerin birlesip basqarý jáne paıdalaný týraly kelisimge qol qoıý máseleleri talqylandy.
Taraptar kelisim jobasyn kelisý boıynsha rásimderdi jedeldetý nıetin rastady. Sondaı-aq, eki eldiń Premer-Mınıstrleri deńgeıinde sý qatynastary salasyndaǵy yntymaqtastyq jónindegi eki jaqty komıssııa qurý máseleleri qaraldy.
Qos eldiń Ekologııa mınsıtrleri Ortalyq Azııa sý-energetıkalyq konsorsıýmyn qurý jáne GES qurylysyna qatysý máseleleri boıynsha konsýltasııalar ótkizdi.
Talqylaý qorytyndysy boıynsha Shardara sý qoımasyna sý aǵynyn ulǵaıtý jáne memleketaralyq «Dostyq» kanaly arqyly sýdy turaqty berý boıynsha birlesken sharalar qabyldaý týraly ýaǵdalastyqtarǵa qol jetkizildi.