Búgin Nur-Sultan halyqaralyq áýejaıyna Beıjińde ótip jatqan qysqy Olımpıadada frıstaıl-mogýldan óner kórsetken Qazaqstan ulttyq quramasy ushyp keldi. Sportshylardy Mádenıet jáne sport mınıstrliginiń ókilderi men jankúıerler qushaq jaıa qarsy aldy, dep habarlaıdy Egemen.kz.
«Sport - baq pen bap qatar júretin sala. Tórt jylda bir keletin dúbirli dodada bar kúshterińizdi salyp, jigerlerińizdi kórsettińizder. Biz sizderdi árdaıym qoldaýǵa daıynbyz. Jarqyn jeńisterińiz áli de alda ekendigine senimimiz mol», dedi QR MSM Sport jáne dene shynyqtyrý isteri komıteti tóraǵasynyń orynbasary Aıgúl Bektenova.
Eske sala ketsek, Olımpıda oıyndarynda frıstaıl-mogýldan ulttyq qurama sapynda alty sportshy el namysyn qorǵady. Olardyń qatarynda Iýlııa Galysheva men Dmıtrıı Reıherd fınalǵa joldama alyp, Iýlııa 11-shi, al Dmıtrıı 8-shi orynǵa ıe boldy.