Brıtandyq epıdemıologtar SARS-COV-2 vırýsynyń jańa mýtasııalanǵan shtamynyń anyqtalǵanyn habarlady, dep jazady Egemen.kz.
Ǵalymdardyń aıtýynsha, genomda «omıkron» shtamynda da, «delta» shtamynda da bar elementter tabylǵan. Osylaısha shtamm «deltakron» dep ataldy. Zertteýshiler mýtasııa bir ýaqytta eki shtamdy juqtyrǵan adamda paıda boldy dep boljaıdy. Sarapshylar dúrbeleńniń qajeti joq dep sanaıdy, jańa shtammen ınfeksııa jaǵdaılary óte az, al popýlıasııada «deltaǵa» da, «omıkronǵa» da ujymdyq ımmýnıtet jartylaı qalyptasqan.
Al, reseılik ǵalymdar koronavırýstyń jańa mýtasııalanǵan shtamdaryna qarsy polıvalentti vaksına qajet dep sanaıdy.
«Koronavırýstyń jańa shtamdarynyń paıda bolýymen kúresý úshin bizge barlyq belgili jáne yqtımal qaýipti shtamdarǵa qarsy polıvalentti vaksınalar qajet. Eger biz tumaý vırýsyn mysalǵa alsaq, qazir tórt valentti vaksınalar keńinen qoldanylady: A vırýsynyń eki serotıpine jáne V vırýsynyń ekeýine qarsy», deıdi Máskeý fızıka-tehnıkalyq ınstıtýtynyń genomdyq ınjenerııa zerthanasynyń jetekshisi Pavel Volchkov.
Sonymen qatar epıdemıologtar men ǵalymdar qoldanystaǵy vaksınalardyń negizinde jasalǵan jańa ekpelerdi tirkeý jáne synaqtan ótkizýdi jeńildetýge shaqyrdy.