1 naýryzdan bastap astanada taǵy úsh aqyly avtoturaq iske qosylady, dep habarlaıdy Egemen.kz Astana turaq keńistiginiń resmı saıtyna silteme jasap.
«1 naýryzdan bastap nómirlenýi 11*, 2*, 3*, 4* dep bastalatyn turaq aımaqtary shtattyq rejımde jumys isteıdi. Tólem - saǵatyna 100 teńge. Turaq orny úshin tólemdi alǵashqy 30 mınýt ishinde engizý kerek», delingen Astana turaq keńistiginiń resmı habarlamasynda.
Mamandardyń aıtýynsha, qazirgi kezde jańa turaqtar test rejıminde jumys isteıdi. Al kelesi aıdan bastap tólem jasamaǵan kólikterge avtomatty túrde aıyppul salynady.
Búginde qalanyń árbir aýdanynda 11*, 2*, 3* jáne 4* dep nómirlengen aqyly turaqtar bar. Olardyń ornalasqan jerin kartadan kórýge bolady.
Aıta keteri, tólengen ýaqyt ótip ketkennen keıin 10 mınýt ishinde aqyly avtoturaqtan shyǵyp ketý kerek. Áıtpese, aıyppul salynady.
Zań boıynsha aıyppuldyń kólemi 3 aılyq eseptik kórsetkishti (9 189 teńge) quraıdy. Bir aptanyń ishinde 50 paıyzyn tóleýge bolady. Aıyppul tóleýdiń birneshe joly bar:
egov.kz qosymshasy;
kaspi.kz qosymshasy;
halykbank.kz qosymshasy;
qamqor.gov.kz saıty;
bankterdiń esep aıyrysý-kassalyq bólimsheleri.