Avstralııalyq aralas jekpe-jek sheberi Robert Ýıttaker orta salmaqtaǵy UFC chempıony Israel Adesanıamen oktagonda úshinshi ret kezdesetinine senimdi, dep habarlaıdy Egemen.kz championat.com-ǵa silteme jasap.
«Týrasyn aıtsaq, ekeýmizdiń aramyzda úshinshi jekpe-jek ótetinine bek senimdimin. О́ıtkeni aldaǵy ýaqytta maǵan qarsy shyqqan qarsylastardyń barlyǵyn qaıtadan jeńetin bolamyn. Muny Adesanıa jaqsy biledi. Sondyqtan da ol: «Bolashaqta áli jolyǵamyz» dedi. О́z basym onyń jaqyn arada chempıondyq belbeýdi ýysynan sýsytyp almaıtyndyǵyna sengim keledi. Sebebi ol óte myqty sportshy. Adesanıany orta salmaqta men ǵana jeńe alamyn», dedi ol.
Esterińizge sala keteıik, eki sportshy arasynda ótken ekinshi jekpe-jekte tóreshiler jeńiske Adesanıa laıyqty dep tapqan bolatyn. Alaıda bes raýnd boıy shabýyldaǵan avstralııalyq sportshyny jeńdi degen mamandar da tabyldy. Olar tóreshilerdiń sheshimin túsinbegenderin aıtqan edi.