Bul kúnderi aýa raıynyń buzylýyna baılanysty birqatar joldarda kólik qozǵalysyna ýaqytsha shekteýler engizildi, dep habarlaıdy Egemen.kz.
Elimizdiń soltústik óńirinde - Aqmola oblysynda «Ekaterınbýrg – Almaty» avtojolynyń 997-856 shaqyrymy, ıaǵnı Atbasar qalasynan Aqmola oblysy shekarasyna deıingi ýchaske jáne «Jaqsy-Esil-Buzylyq» jolynyń 63 shaqyrymy - Jaqsy kentinen Esil kentine deıingi ýchaskede shekteýler engizildi.
Jalpy bul kúnderi elimizdiń basym bóliginde boran, kóktaıǵaq bolyp, qar jaýady. Osyǵan baılanysty júrgizýshilerden joldarda óte abaı bolýdy suraımyz.
Osy oraıda qys mezgili bastalǵaly 332 ret joldarda shekteýler engizilip, olardy tazartýǵa 1087 qysqy arnaıy tehnıka jumyldyrylǵanyn aıta ketý kerek.
Jeltoqsan aıynyń basynan beri jol mamandarynyń kúshimen 267-den astam kólikke kómek kórsetildi. 82 kólik jyly bokstarǵa, 600-den astam adam «Qazaqavtodor» mekemesiniń jylytý pýnktterine ornalastyryldy. Respýblıka boıynsha mundaı 133 pýnkti bar.
Kún sýytqaly atalǵan mekemeniń 1403 nómirli baılanys ortalyǵyna túrli suraqtarmen júgingender sany 18 750-den asty.