Memleket basshysynyń baspasóz hatshysy Berik Ýálı Prezıdenttiń Ýkraına tóńiregindegi jaǵdaıdy jiti baqylap otyrǵanyn aıtty, dep jazady Egemen.kz.
Memleket basshysynyń baspasóz hatshysy Berik Ýálı Tengrinews.kz tilshisiniń osy taqyryp tóńiregindegi saýalyna jaýap berdi.
«Árıne, Prezıdent Ýkraına tóńiregindegi jaǵdaıdy jiti baqylap otyr. Bul másele Vladımır Pýtınmen kezdesýde talqylandy. Prezıdent kelissóz qorytyndysy boıynsha jaqsy urystan jaman tynyshtyq artyq ekenin aıtty. Basqasha aıtqanda, ymyraǵa kelý úshin nátıjeli dıplomatııalyq kelissózderdiń jalǵasýyn jaqtaıdy. Prezıdenttiń aıtýynsha, eýrazııalyq qaýipsizdiktiń bólinbeýshilik qaǵıdatyn ustanǵan jón, onyń ústine bul qaǵıdat 2010 jyly qabyldanǵan EQYU-nyń Astana deklarasııasy mátinine de engizilgen», dedi Berik Ýálı.
Eske salaıyq, 10-11 aqpanda Qasym-Jomart Toqaev Reseı Prezıdentiniń shaqyrýymen Máskeý men Qazan qalalaryna jumys saparymen bardy. Sapar barysynda eki el basshylary birqatar kelissóz júrgizdi.