Búgin Ankarada Alash arysy Ahmet Baıtursynulynyń 150 jyldyǵyna arnalǵan halyqaralyq konferensııa ótti, dep jazady Egemen.kz.
Konferensııaǵa TÚRKSOI uıymynyń shaqyrýymen Qazaqstannan Amantaı Shárip pen Anar Fazyljan, Qyrǵyzstannan Merım Kolbaeva, Ázirbaıjannan Elchın Ibrahım, О́zbekstannan Ergash Abdývalıtov sekildi túrki álemine belgili ǵalymdar arnaıy keldi. Olar Ult ustazynyń ómiri men eńbegi jaıynda jan-jaqty maǵlumat berdi.
Jıyn barysynda TÚRKSOI uıymynyń Bas hatshysy Dúısen Qorabaıuly Ahmet Baıtursynulynyń mereıtoıyn toılaý sharalary jalǵasatynyn jetkizdi.
«Ahmet Baıtursynulynyń mereıtoıyna arnalǵan alǵashqy halyqaralyq konferensııany biz uıymdastyryp otyrmyz. Munymen shektelmeımiz. 150 jyldyq sharalary jyl boıy jalǵasyn tabady», dedi Dúısen Qorabaıuly.
Konferensııaǵa qatysýshylarǵa uıym túrik tilinde daıyndaǵan Ahmet Baıtursynuly beınefılmin kórsetti. Sondaı-aq belgili qalamger Serikbaı Ospanulynyń «Ult ustazy» kitabynyń tusaýy kesildi. Bul týyndy TÚRKSOI uıymynyń qarjylaı qoldaýymen jaryq kórdi. Erteń konferensııa Stambul qalasynyń Stambul ýnıversıtetinde jalǵasady.