«Beıjińdegi qysqy Olımpıada oıyndaryndaǵy otandyq sportshylarymyzdyń ónerine qatysty pikir bildirýin suraǵan tilshilerdiń suraǵyna jaýap bergen Mádenıet jáne sport mınıstri Dáýren Abaev kadrlyq ózgerister bolýy múmkin ekenin jasyrmady, dep jazady Egemen.kz.
Vedomstvo basshysy Aq Olımpıada aıaqtalǵan soń kadrlyq ózgerister oryn alýy múmkin ekendigin alǵa tartty.
«Olımpıada aıaqtala salysymen Beıjińdegi Qysqy Olımpıada oıyndarynyń qorytyndysy boıynsha Býrabaıǵa baryp, aýqymdy kóshpeli jınalys ótkizetin bolamyz. Qysqy Olımpıadanyń qorytyndysy boıynsha belgili bir kadrlyq ózgerister de oryn alady dep oılaımyn», dedi Dáýren Abaev.