17 aqpan kúni saǵat 20:30-da «QAZAQSTAN» ulttyq telearnasynan Memleket basshysy Qasym-Jomart Toqaevtyń suhbaty kórsetiledi. Bul týraly Prezıdenttiń baspasóz hatshysy Berik Ýálı áleýmettik jelidegi paraqshasynda jazdy, dep habarlaıdy Egemen.kz.
«Prezıdent suhbat barysynda qasiretti qańtar oqıǵasynyń sebep-saldary men aldaǵy ýaqytta júzege asyrylatyn saıası jáne áleýmettik reformalar, Qazaqstannyń syrtqy saıasattaǵy strategııalyq seriktesterimen qarym-qatynastaryna, qabyldaǵan sheshimderine qatysty saýaldarǵa jaýap beredi», delingen jazbada.