Shymkent qalasynyń ákimi Murat Áıtenov Tassaı turǵyn alaby men Nurtas, Mıras shaǵyn aýdandarynyń turǵyndarymen kezdesip, halyqty tolǵandyrǵan kez kelgen máseleniń nazardan tys qalmaıtynyn jetkizdi, dep habarlaıdy Egemen.kz.
10 myńnan astam turǵyny bar Tassaı turǵyn alaby sapaly elektr jáne aýyz sýmen tolyq qamtylǵan bolsa, tabıǵı gazben 80 paıyzy qamtylǵan. Qalǵan 20 paıyzyn kógildir otynǵa qosý boıynsha qurylys jumystary júrgizilýde. Aıaqtalý merzimi 2022 jyl. Al, káriz júıesimen qamtý maqsatynda «Saryaǵash Aman» JShS mekemesi tarapynan qurylys jumystary júrgizilýde. Qurylysy jyl sońynda aıaqtalady dep josparlanýda.
Sonymen birge bıyl ınternet sapasyn joǵarlatý boıynsha 1 bazalyq stansııa ornatylady.
Nurtas shaǵyn aýdanynda turatyn 16 myńǵa jýyq halyq pen Mıras shaǵyn aýdanyndaǵy 4 myńnan astam turǵyn tolyq tabıǵı gazben, elektr jaryǵymen, aýyz sýmen qamtylǵan. О́tken jyly bul eldi mekenderde 5 kóshe jaryqtandyrylyp, 4 sport alańsha salynǵan. Búginde Mıras aýdanynda káriz júıesiniń qurylysy júrgizilýde.
Kezdesý barysynda jergilikti turǵyndar qazylǵan joldardy qalpyna keltirý, tas joldarǵa asfalt salý máselesin aıtty.
Qala basshysy 2022-2023 jyldary jańaqurylys aýmaǵynda ınfraqurylym júıeleri aıaqtalýyna oraı, kóshelerdi asfalttaý jumystary júrgiziletinin jetkizdi. Oǵan qosa, árbir eldi mekende kóterilgen problemalyq máselelerdi sheshý boıynsha ákimdikte arnaıy jıyn uıymdastyrylyp, halyq talabyn oryndaý merzimi belgilenetinin aıtty.