«Qazaqstan» ulttyq arnasyna suhbat bergen Prezıdent Qasym-Jomart Toqaev kelesi saılaýǵa túsýge qatysty pikirin bildirdi, dep jazady Egemen.kz.
Budan buryn Prezıdent memleketti basqaratyn tulǵa eki merzimnen artyq saılanbaǵany durys dep pikir bildirgen bolatyn.
Osy oraıda jýrnalıst Jaına Slambektiń kelesi saılaýǵa qatysatynyńyz anyq qoı degen saýalyna Konstıtýsııada jazylǵan merzimdi buzýǵa bolmaıtynyn aıtty.
«Bul másele Konstıtýsııamyzda jazylǵan. Prezıdentke eki merzim berilgen. Ony buzýǵa bolmaıdy. Naýryzdaǵy Joldaýymda, múmkin, osy mańyzdy másele jóninde óz pikirimdi aıtarmyn. Al biraq qazir saılaýǵa baramyn ba, barmaımyn ba ony aıta almaımyn», dedi Prezıdent.