«Qazgıdromet» RMK sınoptıkteri 19-21 aqpanǵa arnalǵan aýa raıy boljamyn usyndy, dep habarlaıdy Egemen.kz.
Boljamǵa súıensek, aldaǵy úsh táýlikte aýqymdy antısıklon áserinen Qazaqstannyń basym bóliginde jaýyn-shashynsyz aýa raıy saqtalady. Onyń artynan respýblıkanyń batysyna qaraı, soltústik-batys sıklon yǵysady, onyń áserinen: 19-21 aqpan aralyǵynda jańbyr men qar túrinde jaýyn-shashyn, 20-21 aqpan aralyǵynda soltústik-batysqa, 21 aqpanda eldiń soltústigine - qar, jeldiń kúsheıýin jáne kóktaıǵaq qubylystaryn alyp keledi.
«Elimizdiń barlyq aýmaǵynda temperatýralyq fon joǵarylaıdy dep kútilýde. Termometrler baǵandary kelesideı temperatýrany kórsetedi: batysta túnde -5...+5 deıin, kúndiz +2...+13 deıin, soltústikte, soltústik-batysta túnde -5...-16 deıin, kúndiz -8...+ 2 deıin, ortalyqta, shyǵysta túnde -8...-17, kúndiz -1...-10, ońtústikte, ońtústik-shyǵysta túnde -5...+5, kúndiz + 5...+13 deıin», delingen habarlamada.