Oqıǵa 2022 jyldyń 16 aqpanynda Semeıdegi 1 shaǵyn aýdanda bolǵan, dep habarlaıdy Egemen.kz.
Tártip saqshylaryna qala turǵyny úıdiń 9 qabatynan 21 jastaǵy boıjetkenniń sekirip ketkenin habarlaǵan. Keıin bıikten sekirgen qyzdyń jansaqtaý bólimine túsip, sol jerde qaıtys bolǵany belgili boldy.
Atalǵan fakti boıynsha Zaton polısııa bólimi QR QK 105 babynyń 1 bóligi (ózin-ózi óltirýge deıin jetkizý) boıynsha sotqa deıingi tergeý júrgizýde.
Qazirgi ýaqytta qylmystyq is boıynsha tıisti sot saraptamalary taǵaıyndaldy. Istiń mán-jaılaryn zertteýdiń jan-jaqtylyǵyn jáne obektıvtiligin qamtamasyz etýge baǵyttalǵan qajetti tergeý áreketteri júrgizilýde.
QR Qylmystyq is júrgizý kodeksiniń 201 babynyń 1 bóligine sáıkes sotqa deıingi tergep-tekserý derekteri jarııa etýge jatpaıdy.