Shymkent qalasyndaǵy klınıkalyq balalar aýrýhanasynyń dárigerleri alǵash ret mıdyń qaterli isigine kúrdeli ota jasady, dep habarlaıdy Egemen.kz.
Bilikti mamandar ujymy bas súıektegi isikti alyp tastaý úshin jeti saǵat boıy ashyq túrde ota jasap, naýqasty ajaldan arashalap alǵan.
Naýqas 16 jastaǵy jasóspirim qyz. Ol osy jyldyń 15 aqpanda ótken qalalyq klınıkalyq balalar aýrýhanasynyń «Ashyq esik kúni» onkogematologtyń qabyldaýynda bolǵan. Dárigerler qyzdy shuǵyl túrde aýrýhananyń jansaqtaý bólimine jatqyzǵan.
Dárigerler aýyr haldegi naýqastyń jaǵdaıyn turaqtandyryp, dıagnostıkalyq tekserýden tolyq ótkizgen. Mamandar jasóspirimniń ómirin aman alyp qalý úshin kúrdeli ota jasaýǵa sheshim qabyldady.
Kúrdeli otany joǵary sanatttaǵy neırohırýrg Samat Kókshıbaev pen Tańsyq Abdýllaev sátti jasap shyqty.
Neırohırýrgtyń aıtýynsha, bas súıekke jasalǵan ota jańadan alynǵan qondyrǵynyń kómegimen júzege asqan.
«Naýqas onkolog pen neırohıýrg dárigerleriniń qaraýynda boldy. Oǵan 17 aqpan kúni ota jasadyq. Mundaı ota qalalyq klınıkalyq balalar aýrýhanasynda alǵash ret ótti. Aýrýhanaǵa jergilikti bıýdjet esebinen jańa mıkrohıýrgııalyq apparaty alynǵan bolatyn. Ota kezinde osy qondyrǵyny qoldandyq. Endi osy apparattyń kómegimen kúrdeli otalardy jasap, naýqas balalardyń ómirin aman alyp qalýǵa barymyzdy salamyz», dedi S.Kókshıbaev.
Qazir naýqastyń jaǵdaıy qalypty. Endi ol aýrýhanadaǵy emin onkohırýrgtyń baqylaýynda jalǵastyrady.