Qurlyqtyq hokkeı lıgasyndaǵy (QHL) Gagarın kýbogy jolyndaǵy jarysqa qyzý daıarlanyp jatqan komandalardyń kóbi qazirgi kezde jattyǵý kezdesýlerin ótkizýde.
Nur-Sultannyń «Barysy» Máskeýde jergilikti «Spartakpen» kúsh synasty. Báseke bastalǵan betten oıyn tizginin qolǵa alǵan jerlesterimiz birinshi kezeńde qarsylastaryna bas kótertpedi. 5 jáne 8-mınýttarda Egor Petýhov dýbldiń avtory atansa, 10 jáne 14-mınýttarda Kertıs Volk pen Iаkob Berglýnt bir-bir retten nysanany dál kózdedi. Sol aralyqta aıdyn ıeleriniń sapyndaǵy Emıl Petterson bir gol salyp úlgerdi. Úzilisten keıin Kırıll Savıskıı men Álıhan Ásetov mergendik tanytty. Máskeýlikter arasynan Dmıtrıı Vıshnevskıı gol soqty. Úshinshi kezeńde Volk kezdesýdiń sońǵy núktesin qoıdy. Esep – 7:2.
«Barys» Máskeýde taǵy eki joldastyq kezdesý ótkizýdi josparlap otyr.