Bul kúnderi álemniń ár qıyrynda tennısten dúbirli dodalar ótýde. Kil myqtylar bas qosqan sol jarystarda Qazaqstannyń tennısshileri de baq synap jatyr.
О́kinishke qaraı, osy aptada bastalǵan básekeler jerlesterimiz úshin sátsiz aıaqtaldy. Qatardyń bas shahary – Dohadaǵy júlde qory 2 632 448 AQSh dollaryn quraǵan týrnırde Iýlııa Pýtınseva belorýssııalyq Vıktorııa Azarenkodan utylǵanyn biz buǵan deıin jazǵanbyz. Kelesi kúni elimizdiń eń úzdik tennısshisi Elena Rybakına da súrindi. Ol esimi kópshilikke beımálim fransııalyq Jaklın Krıstıanǵa jol berdi – 4:6, 3:6. Dýbaıdaǵy dodada erler arasyndaǵy Qazaqstannyń birinshi raketkasy Aleksandr Býblık te jeńilistiń kermek dámin tatty. Otandasymyz alǵashqy aınalymda ATR reıtınginde 11-orynda turǵan polıak Hýbert Hýrkachqa ese jiberdi – 3:6, 1:6.
Jerlesterimizdiń arasynan Mıhaıl Kýkýshkın ǵana óz jankúıerlerin qýanta aldy. Fransııanyń Po qalasynda ótip jatqan jarystyń birinshi kezeńinde ol chehııalyq Irjı Lehechkanyń (6:0, 6:2) tas-talqanyn shyǵardy. Kelesi aınalymda Kýkýshkın fransııalyq Manýel Gınarmen sheberlik baıqasady.