Búgin Ortalyq saılaý komıssııasynyń tóraǵasy Nurlan Ábdirovtiń tóraǵalyǵymen beınebaılanys rejıminde vedomstvonyń otyrysy ótti, dep habarlaıdy Egemen.kz.
Aıta keteıik, osy kúnderi Ortsaılaýkom Tóraǵasy Nurlan Ábdirov, sondaı-aq OSK músheleri Sábıla Mustafına jáne Shavhat О́temisov Aqmola oblysynda saparmen júr.
Vedomstvo otyrysynda QR Parlamenti Májilisiniń depýtaty Vladımır Tohtasýnovtyń ókilettigin toqtatý týraly qaýly qabyldandy.
«Konstıtýsııanyń 52-babyna, «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýsııalyq Zańnyń 24-baby 3 jáne 8-tarmaqtaryna sáıkes Ortalyq saılaý komıssııasy Parlament Májilisiniń depýtaty V.I. Tohtasýnovtyń ótinish berýine baılanysty onyń ókilettigin merziminen buryn toqtatýǵa ákeletin negiz týyndady dep qaýly etti.
Depýtat V.I. Tohtasýnovtyń ókilettigin merziminen buryn toqtatý týraly usynym Qazaqstan Respýblıkasy Parlamentiniń Májilisine engizildi», - delingen QR OSK saıtynda.