Ispanııalyq tennısshi, úlken dýlyǵa jarystarynyń 21 dúrkin jeńimpazy Rafael Nadal taǵy bir rekord ornatty, dep habarlaıdy Egemen.kz.
Indıan-Ýells dodasynyń jartylaı fınalynda otandasy Karlos Alkaraspen kezdesken Rafael Nadal 3 saǵat 12 mınýtqa sozylǵan kezdesýde qarsylasynan aılasyn asyryp, aqtyq synǵa joldama aldy. Bul ashyq alańdaǵy jarystarda Rafael qol jetkizgen 954-shi jeńis bolatyn. Osylaısha ol buǵan deıin 953 márte qarsylastarynan aılasyn asyrǵan áıgili Rodjer Federerdiń rekordyn jańalady. Endi Nadal fınalda AQSh sportshysy Teılor Frıtspen kezdesedi.