Transkaspıı baǵdary boıynsha júk tasymalyn damytý maqsatynda «Aqtaý teńiz porty» arnaıy ekonomıkalyq aımaǵynda «Konteınerlik hab» qurý josparlanýda, dep habarlaıdy Egemen.kz.
Bul týraly Úkimet otyrysynda Indýstrııa jáne ınfraqurylymdyq damý mınıstri Qaıyrbek О́skenbaev málimdedi.
Osy jobany iske asyrý úshin Sıngapýrdyń PSA International kompanııasymen kelissózder júrgizilgen.
Sonymen qatar Maersk, MSC jáne Cosco Shipping sııaqty álemdik konteınerlik operatorlarynyń parkin tartý kózdelýde.
Teńiz tasymaly salasynda sondaı-aq jeke bıznesti tarta otyryp, saýda flotyn 4 parommen tolyqtyrý josparlanyp otyr.
Jalpy, bıyl 4 mln tonnadaı eksporttyq júkti qaıta baǵdarlaýdy eskere otyryp, Aqtaý jáne Quryq teńiz porttary arqyly tasymal kólemin 10 mln tonnaǵa deıin jetkizý josparda bar.