Joǵarǵy Sottyń tóraǵasy Jaqyp Asanov beınebaılanys arqyly Qasym-Jomart Toqaevtyń 2022 jylǵy 26 naýryzdaǵy Jarlyǵymen Qaraǵandy oblystyq sotynyń tóraǵasy bolyp taǵaıyndalǵan Erden Áripovty ujymǵa tanystyrdy, dep habarlaıdy Egemen.kz.
Kezdesýge oblys ákimi Jeńis Qasymbek, oblystyq máslıhattyń hatshysy Serik О́teshov, quqyq qorǵaý organdarynyń basshylary, alqa tóraǵalary, oblystyq sottyń sýdıalary, aýdandyq jáne oǵan teńestirilgen sottardyń tóraǵalary, sottar ákimshisiniń basshylyǵy qatysty.
Joǵarǵy Sottyń tóraǵasy Jaqyp Asanov oblystyq sot tóraǵasyn sot korpýsyna tanystyra otyryp, Erden Raýanulynyń sýdıalyq qyzmette kóp jyldyq tájirıbesi bar ekenin, onyń joǵary kásibıligin atap ótti.
Oblys ákimi Jeńis Qasymbek buryńǵy oblystyq sottyń tóraǵasy Nurserik Sháripovke oblystyń sot júıesi damýyna eleýli úles qosqany úshin alǵysyn bildirip, jańadan taǵaıyndalǵan tóraǵa Erden Áripovke sáttilik tiledi.
Jıyn sońynda Jaqyp Asanov óńirdegi sýdıalar korpýsynyń aldyna sot tóreligin júzege asyrý sapasyn jaqsartý jáne sýdıalardyń biliktiligin arttyrý boıynsha birqatar mindetter qoıdy.
«Erden Áripov 1963 jyly Alma-Ata oblysynyń Narynkól aýdanynda dúnıege kelgen. 1986 jyly Qazaq memlekettik ýnıversıtetin bitirgen, mamandyǵy boıynsha zańger. Osy laýazymǵa deıin Qazaqstan Respýblıkasynyń Joǵary sotynda sýdıa qyzmetin atqarǵan», dep habarlady Qaraǵandy oblystyq sotynyń baspasóz qyzmeti.