Prezıdent Qasym-Jomart Toqaevtyń konstıtýsııalyq reformalarǵa qatysty halyqqa Joldaýymen muqııat tanysyp shyqtym. Shynymdy aıtsam, Joldaýda óte jaǵymdy málimdemeler keltirilgenine nazar aýdarǵan jón.
Bul Joldaý Qazaqstan men onyń halqyna ǵana emes, Qazaqstanǵa jaqsylyq tileıtin búkil álemdegi adamdarǵa, sondaı-aq bıylǵy qańtar aıyndaǵy qaıǵyly oqıǵadan keıin eldegi reformalardyń baǵytyn bilmekke umtylǵan bıznesmenderge arnalǵan.
Konstıtýsııalyq reformalar, shyn máninde, saıası júıe ishindegi bılikti qaıta bólýdi kózdeıdi. Sondyqtan sýperprezıdenttik júıeden bas tartyp, yqpaldy Parlament, sondaı-aq baqylaýy joǵary jáne óz aımaqtarynyń damýynda úlken ról atqaratyn aımaqtyq kóshbasshylar týraly sóz qozǵaldy. Tutastaı alǵanda, bul Qazaqstannyń demokratııalandyrý jolyndaǵy irgeli qadamy jáne ony quptaý kerek.
Prezıdent Qasym-Jomart Toqaev negizgi reformalarǵa qaıta-qaıta basymdyq berip, olardyń ózi júzege asyrǵysy keletin kóptegen basqa reforma úshin irgeli baǵytqa aınalatynyna senimdi.
Árıne, bul Joldaý qańtar qasiretinen keıin qaýiptengen kóptegen tikeleı sheteldik ınvestordyń, kásipkerlerdiń, bankırlerdiń kúpti kóńilin ornyna túsirý turǵysynan da mańyzdy.
Bul Qazaqstannyń reformalar baǵdarlamasy men ekonomıkalyq damý josparlaryn júzege asyrýdy toqtatpaıtynyn, eldiń alǵa basyp kele jatqanyn eske salady. Mundaı qadam qazaq qoǵamynyń damýyndaǵy aıtýly oqıǵa retinde tarıhta qalady dep oılaımyn ári eldi ilgeri jyljytýǵa jol ashady.
Alan SPENS,
Qazaqstannyń Soltústik Anglııadaǵy qurmetti konsýly