Aqmola oblysyna qarasty Qosshy qalasyndaǵy «Diamond park» turǵyn úı kesheni máselesi boıynsha merdigerlerdiń ústinen qozǵalǵan is taıaýda aqıatalyp, sotqa joldanatyn bolady, dep habarlaıdy Egemen.kz.
Bul týraly Qosshy qalalyq polısııa bóliminiń basshysy Talǵat Saqanov málimet taratty.
«Bul máselege qatysty qylmystyq isti sáýirdiń 10-na deıin tergep, prokýratýraǵa joldaıtyn bolamyz. Osy iske qatysy bar delingen eki merdiger de qazirgi kezde ýaqytsha ustaý ortalyǵyna qamalǵan. Úleskerlerdiń barlyǵy qylmystyq is barysynda zardap shegýshiler dep tanylǵan», deıdi ol.
Munda alǵashqy jeti úı ǵana tıisti qujattary rásimdelip, paıdalanýǵa berilgen. Qalǵan jeti úıdiń úleskerleri úsh jyldan beri qurylystyń aıaqtalýyn jáne qurylysty zańdastyrýdy asyǵa kútip júr.