Qazaqstan AQSh-tyń senimdi serigi bolyp keledi. AQSh ıgiligi úshin Qazaqstannyń aldaǵy ýaqytta da saıası, ekonomıkalyq jáne áleýmettik turǵydan damı túsýi qashanda mańyzdy bolyp sanalady.
Naýryz aıynda jarııalanǵan Prezıdent Qasym-Jomart Toqaevtyń arnaıy Joldaýynda aıtylǵan reformalar paketi Qazaqstannyń qoǵamdyq-saıası ómirine engiziletin jańalyqtardyń keń aýqymyn qamtıdy.
Bul qujatta bıyl qańtar aıynyń basynda elde bolǵan qaıǵyly oqıǵalarǵa qaramastan, Qazaqstannyń qurylymdyq reformalar baǵdarlamasyn jalǵastyrýǵa degen buljymas sheshimi aıqyn kórinis tapqan. Kóptegen ózgeristerdiń ishinde reformalardyń bul paketi saıası partııalar qurý prosesin jeńildetedi, saılanǵan Parlamentke keń ókilettik beredi jáne Prezıdenttiń jaqyn týystaryn saıası laýazymdarǵa taǵaıyndaýǵa tyıym salady.
Joldaýda basymdyq berilgen majorıtarlyq-proporsıonaldy saılaý júıesine kóshýdiń de mańyzy zor. Reformalardyń jańa paketi kópten kútken qadam bolyp tabylady. Sondyqtan da strategııalyq qujat Qazaqstannyń dostary men seriktesteri tarapynan keń qoldaý tabady degen senimdemin. Qazaqstannyń gúldenýi men turaqtylyǵy tek eldiń ózine ǵana emes, búkil álemge de paıdaly ekeni anyq.
Efgan NIFTI,
Caspian Policy Center saraptamalyq ortalyǵynyń atqarýshy dırektory (AQSh)