Áýlıekól aýylynyń ortalyǵyndaǵy Pojarnyı dep atalatyn shaǵyn kólge qonǵan on shaqty birqazandy jergilikti turǵyndardyń biri sýretke túsirip alypty.
Jyly jaqta qystap shyǵyp, alystan talyp jetken jyl qustarynyń qanaty taldy ma eken, álde keıinde qalyp keshikken birqazandardyń tizbegin kútti me eken, bıyl ádette qona bermeıtin Áýlıekólge aıaldapty. Uzyn tumsyq, eskekaıaq qanattylardyń áıteýir Naýyrzym qoryǵyn betke alyp bara jatqany anyq. О́ıtkeni bul qustar jylda kún jylynǵan soń Naýyrzym qoryǵyna ushyp kelip, ala jazdaı osy óńirdi mekendeıdi. Sol jerde uıa salyp, balapandarynyń qanaty qataıǵan soń kúzdiń qara sýyǵynda qaıtadan jyly jaqqa ushyp ketedi.
Mamandardyń aıtýynsha, birqazan sırek kezdesetin, uıasyn kez kelgen jerge sala bermeıtin, salmaǵy 10-11 kıloǵa deıin baratyn iri qus. Kóbine nýly qamysty kólderdi mekendeıdi. О́kinishke qaraı, sońǵy jyldary bul qustardyń sany birte-birte kemip bara jatqan kórinedi. Sondyqtan zańsyz ańshylyqty kásip etken surmergenderdiń suq kózine jıi iligedi, kóbi osy qusty nysanaǵa alýǵa qumar.
Qostanaı oblysy,
Áýlıekól aýdany