Qazaqstannyń avıasııa ákimshiligi FlyArystan áýe kompanııasyna jospardan tys ınspeksııalyq tekserý júrgizdi, dep habarlaıdy Egemen.kz.
QR IIDM Azamattyq avıasııa komıtetiniń málimeti boıynsha, tekserý júrgizýge 2022 jylǵy 19 naýryzdaǵy Nur-Sultan - Qostanaı baǵyty boıynsha KS 7341 reısimen jolaýshylardy tasymaldaýdan bas tartý faktisine qatysty jolaýshylardyń ótinishi negiz bolǵan.
Tekserý nátıjeleri boıynsha jolaýshylardy tasymaldaýdan bas tartýdyń sebebi evakýasııalyq traptan aqaý tabylyp, áýe kemesiniń bortyndaǵy jolaýshylarǵa arnalǵan oryndar sany júzge deıin qysqartylǵan.
Oryndar sanyn qysqartý ushý qaýipsizdigi talaptary negizinde júzege asyrylǵan. Avarııalyq trap durys jumys istemese, jolaýshylardy apatty jaǵdaıda túsirý múmkin emes. Osy sebepti áýe kompanııa 180 orynnyń 70-in jabýǵa májbúr bolǵan.